Hellissandur

Leturstærð

Leit

Gagnlegir tenglar

Tilkynningar

Að flakka um vefinn:

17.02.2008

Vefurinn er þannig byggður upp að á vinstri spássíu eru "Yfirflokkar" eins og t.d. flokkurinn "Fróðleikur", þegar smellt er á þann flokk birtast undirflokkar, eins og t.d. "Fólk", þegar smellt er á þann undirflokk opnast tenglar á allt efni sem tilheyrir þeim flokki. Í einhverjum tilvikum eins og t.d. þegar smellt er á "Fróðleikur" og síðan "Úr Mbl-Sandur" þá birtast undirflokkar sem eru úrklippur úr Morgublaðinu frá ákveðnum áratugum. Þegar smellt er á viðkomandi áratug birtast litlar myndir. Hægt er að smella á fyrstu mynd og stækkar hún þá, síðan er hægt að fletta albúminu með því að ýta á liðinn "næsta" undir myndinni. Þetta á við öll mynda og úrklippualbúm sem eru á vefnum. Einnig er hægt að leita að efni á vefnum með því að slá inn leitarorð í leitarhólfið á vinstri spássíunni og smella síðan á hnappinn "leita". Gefðu þér góðan tíma til að fikra þig eftir krókaleiðum vefjarins, þú gætir rekist á ýmsan fróðleik um okkar gamla hrepp og fólkið sem þar bjó.

sjá nánar

Prenta

Esjar ehf. - útgerðarfélag.

Ljósmynd Alfons Finnsson

Esjar SH 75 - Aflatölur Esjars

Esjar ehf. gerir út fiskibátinn Esjar SH 75. Tilurð útgerðarinnar má rekja til ársins 1975 þegar hjónin Ragnar Guðjónsson og María Antonsdóttir keyptu Hafborgu sem var átta tonna trébátur. Ragnar skýrði bátinn Esjar eftir fyrri eiganda hans. Fyrstur árin réri Ragnar, eða Raggi á Horninu eins og hann er kallaður í daglegu tali, einn á Esjari og stundaði hann þá bæði skak, línu-, og netaveiðar. Raggi varð fljótt þjóðkunnur aflamaður og þekktur af dugnaði sínum og sóknarhörku. Það var því nokkuð ljóst að hann myndi ekki lengi láta sér þennan bát duga og úr varð að hann keypti nýjan Esjar árið 1990 sem var 15 tonna plastbátur smíðaður á Skagaströnd. Þessum báti réri Raggi til ársins 1999, þegar hann kaupir þriðja bátinn, en þá í félagi við son sinn Anton Ragnarsson. Þann bát eiga þeir feðgar enn. Hann var lengdur árið 2002. Anton hefur nú alfarið tekið við skipstjórninni af föður sínum sem farinn er að sinna sínum hugðarefnum í landi.