Hellissandur

Leturstærð

Leit

Gagnlegir tenglar

Tilkynningar

Að flakka um vefinn:

17.02.2008

Vefurinn er þannig byggður upp að á vinstri spássíu eru "Yfirflokkar" eins og t.d. flokkurinn "Fróðleikur", þegar smellt er á þann flokk birtast undirflokkar, eins og t.d. "Fólk", þegar smellt er á þann undirflokk opnast tenglar á allt efni sem tilheyrir þeim flokki. Í einhverjum tilvikum eins og t.d. þegar smellt er á "Fróðleikur" og síðan "Úr Mbl-Sandur" þá birtast undirflokkar sem eru úrklippur úr Morgublaðinu frá ákveðnum áratugum. Þegar smellt er á viðkomandi áratug birtast litlar myndir. Hægt er að smella á fyrstu mynd og stækkar hún þá, síðan er hægt að fletta albúminu með því að ýta á liðinn "næsta" undir myndinni. Þetta á við öll mynda og úrklippualbúm sem eru á vefnum. Einnig er hægt að leita að efni á vefnum með því að slá inn leitarorð í leitarhólfið á vinstri spássíunni og smella síðan á hnappinn "leita". Gefðu þér góðan tíma til að fikra þig eftir krókaleiðum vefjarins, þú gætir rekist á ýmsan fróðleik um okkar gamla hrepp og fólkið sem þar bjó.

sjá nánar

Prenta

Nesver ehf.

Þorsteinn SH 145 --- Afli Þorsteins SH

ljósmynd Alfons Finnsson

Nesver var stofnað á Rifi árið 1987 af þeim Ásbirni Óttarssyni sem nú er aðaleigandi þess og Kristjáni Jónssyni frá Ártúni. Nesver var fyrst um sinn fiskverkun í eigu þeirra félaga en félagið breyttist í Nesver ehf. við samruna útgerðar Kristjáns sem gerði út einn bát. Þeir félagar hættu fiskvinnslu árið 1992 og seldu hús það sem þeir höfðu byggt á Rifi. Árið 1989 keyptu þeir félagar bátinn Neista frá Hvammstanga sem þeir gáfu nafnið Þorsteinn SH 145. Þann bát seldu þeir síðan og keyptu bátinn Sólberg frá Grundarfirði, en sá bátur var 60 tonna stálbátur. Þennan bát átti félagið til ársins 1998 er þeir seldu hann og keyptu í staðinn Njarðvík KE sem er 130 tonna stálbátur og fékk að hann nafnið Þorsteinn SH 145 eins og fyrri bátar félagsins.

Kaflaskil urðu í rekstri félagsins árið 2003, en þá ákvað Kristján að selja sinn hlut í félaginu og úr varð að Ásbjörn og kona hans Margrét Scheving keyptu hlut Kristjáns og hafa þau verið ein eigendur félagsins frá þeim tíma.