Hellissandur

Leturstærð

Leit

Gagnlegir tenglar

Tilkynningar

Að flakka um vefinn:

17.02.2008

Vefurinn er þannig byggður upp að á vinstri spássíu eru "Yfirflokkar" eins og t.d. flokkurinn "Fróðleikur", þegar smellt er á þann flokk birtast undirflokkar, eins og t.d. "Fólk", þegar smellt er á þann undirflokk opnast tenglar á allt efni sem tilheyrir þeim flokki. Í einhverjum tilvikum eins og t.d. þegar smellt er á "Fróðleikur" og síðan "Úr Mbl-Sandur" þá birtast undirflokkar sem eru úrklippur úr Morgublaðinu frá ákveðnum áratugum. Þegar smellt er á viðkomandi áratug birtast litlar myndir. Hægt er að smella á fyrstu mynd og stækkar hún þá, síðan er hægt að fletta albúminu með því að ýta á liðinn "næsta" undir myndinni. Þetta á við öll mynda og úrklippualbúm sem eru á vefnum. Einnig er hægt að leita að efni á vefnum með því að slá inn leitarorð í leitarhólfið á vinstri spássíunni og smella síðan á hnappinn "leita". Gefðu þér góðan tíma til að fikra þig eftir krókaleiðum vefjarins, þú gætir rekist á ýmsan fróðleik um okkar gamla hrepp og fólkið sem þar bjó.

sjá nánar

Prenta

Hundraðasta ártíð Helgu Elísdóttur

Í tilefni af 100 ára ártíð Helgu Elísdóttur frá Gilsbakka, hefur sonur hennar Grétar Kristjónsson ákveðið að standa fyrir uppákomu í Tröðinni á Sandaragleðinni í sumar. Uppákoman hefur enn ekki verið skipulögð eða tímasett en nánari frétt mun birtast á vefnum þegar nær dregur.

Grétar býður öllum þeim sem vilja taka þátt í uppákomunni að koma í Tröðina af þessu tilefni.

Grétar sendi vefnum þessa Sonnetu sem hægt er að syngja við "Nú andar suðrið"

Við Breiðafjörð.
(Sonnetta)

Á Breiðafirði bára rís í vindi
og berst um langan veg til fjörusanda;
eldgömul fjöll mót Ægi sjálfum standa,
Útnesið bláa skartar Jökultindi.

Minn hugur ber mig heim til æskuslóða
og hér var borinn drengur ungur forðum,
og mætti ég því mæra þig í orðum,
þú mikla, góða móðir ungra ljóða.

Úrsvali breiður, blástu lengi lengi,
ljúfsárum trega fylltu hugann draumi,
þegar ég hugsa heim í ríki þitt.
Leiktu sem forðum létt á þýða strengi,
lýriskan draum í sjávarfallastraumi.
Eldbrunnar strendur, eru landið mitt.

Kveðja.
Grétar Kristjónsson.

Til baka