Hellissandur

Leturstærð

Leit

Gagnlegir tenglar

Tilkynningar

Að flakka um vefinn:

17.02.2008

Vefurinn er þannig byggður upp að á vinstri spássíu eru "Yfirflokkar" eins og t.d. flokkurinn "Fróðleikur", þegar smellt er á þann flokk birtast undirflokkar, eins og t.d. "Fólk", þegar smellt er á þann undirflokk opnast tenglar á allt efni sem tilheyrir þeim flokki. Í einhverjum tilvikum eins og t.d. þegar smellt er á "Fróðleikur" og síðan "Úr Mbl-Sandur" þá birtast undirflokkar sem eru úrklippur úr Morgublaðinu frá ákveðnum áratugum. Þegar smellt er á viðkomandi áratug birtast litlar myndir. Hægt er að smella á fyrstu mynd og stækkar hún þá, síðan er hægt að fletta albúminu með því að ýta á liðinn "næsta" undir myndinni. Þetta á við öll mynda og úrklippualbúm sem eru á vefnum. Einnig er hægt að leita að efni á vefnum með því að slá inn leitarorð í leitarhólfið á vinstri spássíunni og smella síðan á hnappinn "leita". Gefðu þér góðan tíma til að fikra þig eftir krókaleiðum vefjarins, þú gætir rekist á ýmsan fróðleik um okkar gamla hrepp og fólkið sem þar bjó.

sjá nánar

Prenta

Lífsbjörg fær fjórhjól að gjöf. - snb.is

Um síðustu helgi var björgunarsveitinni Lífsbjörg afhent öflugt fjórhjól að gjöf, gefendur eru hjónin Óttar Sveinbjörnsson og Guðlaug Íris Tryggvadóttir. Fjórhjólið sem er af gerðinni Yamaha Grizzly er gefið í tilefni af 40 ára verslunarafmæli þeirra hjóna og einnig í tilefni af því að liðin eru 80 ár frá stofnun björgunarsveitarinnar Bjargar á Hellissandi.

Gjöfin er til minningar um Benedikt S. Benediktsson verslunarmann en hann var afi Óttars. Benedikt var einn aðal hvatamaðurinn að stofnun björgunarsveitarinnar Bjargar og stóð ásamt fleirum fyrir því að haldinn var borgarafundur á Hellissandi þann 3. desember 1928 um stofnun félagsins.

Á 30 ára afmæli Slysavarnafélags Íslands árið 1958 var Benedikt gerður að heiðursfélaga félagsins og fékk því til staðfestingar heiðursorðu Slysavarnafélags Íslands, um leið og Óttar afhenti Lífsbjörg fjórhjólið færði hann björgunarsveitinni heiðursorðu afa síns til varðveislu.

Til baka