Jón Oddur Halldórsson er fæddur árið 1982 og ólst upp á Hellissandi.
Jón Oddur stundar nám í rafeindavirkjun við Iðnskólann í Reykjavík og hefur verið fremsti frjálsíþróttamaður ÍF síðan 2002.
Jón Oddur, sem er spastískur og keppir í flokki T35, keppir fyrir félag sitt Reyni, Hellissandi en árið 2006 æfði Jón Oddur með frjálsíþróttadeild Ármanns undir daglegri stjórn Stefáns Jóhannssonar en yfirumsjón hafði Kári Jónsson, landsliðsþjálfari ÍF í frjálsum.
Jóni Oddi, var boðin þátttaka í Visa Paralympic Cup, en til mótsins var stofnað til að bjóða fötluðum afreksíþróttamönnum upp á hágæða keppni á árunum milli Ólympíumóta, sem haldin eru á fjögurra ára fresti. Á mótinu sigraði Jón Oddur í 200 m hlaupi og hafnaði í öðru sæti í 100 m hlaupi. Þá sigraði Jón Oddur fjórða árið í röð bæði 100 og 200 m hlaupi í sínum flokki á Opna breska meistaramótinu. Jón Oddur hafnaði síðan í þriðja sæti í 100 m hlaupi á Heimsmeistaramóti fatlaðra í frjálsum íþróttum sem fram fór í Assen í Hollandi og ávann Íslandi þannig þátttökurétt á Ólympíumótinu sem fram fer í Peking 2008.
Árangur Jóns Odds á árinu 2006:
Árangur Jóns Odds árið 2006 hefur verið með eindæmum góður þó svo að meiðsl hafi háð honum seinni hluta sumars. Slíkt er ekki síst að þakka þrotlausum æfingum hans og óbilandi viljastyrk.
- Í febrúar s.l. tók Jón Oddur þátt í Íslandsmóti ÍF í frjálsum íþróttum innanhúss og sigraði þar í 200 m hlaupi og hafnaði í öðru sæti í 60 m hlaupi í sameinuðum flokkum T35 T37.
- Í marsmánuði s.l. hafnaði Jón Oddur í fimmta sæti í 60 m hlaupi, í sameinuðum flokki T35-T36 á fyrsta Heimsmeistaramóti fatlaðra innanhúss sem fram fór í Bollnäs í Svíþjóð.
- Í maí s.l. var Jóni Oddi boðin þátttaka í Visa Paralympic Cup en til mótsins var boðið öllum bestu íþróttamönnum heims úr röðum fatlaðra. Á mótinu sigraði Jón Oddur í 200 m hlaupi á tímanum 28.8 sek og hafnaði í öðru sæti í 100 m hlaupi á 13.77 sek.
- Í júní s.l. tók Jón Oddur þátt í Opna breska frjálsíþróttamótinu og þar sigraði Jón Oddur enn og aftur fyrrum heims- og ólympíumeistarann Lloyd Upsdell, í 100 m hlaupi á tímanum 13.48 sekúndur og í 200 m hlaupi á tímanum 27.83 sekúndur.
- Í ágúst s.l. sigraði Jón Oddur í 100 m hlaupi á opna þýska frjálsíþróttamótinu. Hljóp Jón Oddur á tímanum 13.90 sekúndur en mótið í Þýskalandi var lokaundurbúningur fyrir Heimsmeistaramótið í frjálsum íþróttum. Í september tók Jón Oddur síðan þátt í Heimsmeistaramóti fatlaðra í frjálsum íþróttum sem fram fór í Assen í Hollandi. Hafnaði Jón Oddur í þriðja sæti í 100 m hlaupi á tímanum 13.58 sek.
Á heimsafrekalistanum (IPC) er Jón Oddur í þriðja sæti í 100 m hlaupi á eftir Fu Xin Han frá Kína og Heims- og ólympíumeistaranum Mokgalagadi frá Suður-Afríku.
Í 200 m hlaupi skipar Jón Oddur fyrsta sæti heimsafrekalistans en næstur á eftir honum er Mokgalagadi frá Suður-Afríku. Árangur á alþjóðamótum síðustu 4 ára:
Grein/flokkur | Hvar | Sæti | Athugasemdir | |
HM-2006 | 100m t35 | Assen | 3 |
|
EM- 2005 | 100m og 200m t-35 | Espoo | 1. + 2. |
|
ÓL- 2004 | 100m og 200m t-35 | Aþena | 2. + 2. | Ísl. og norðurl. met |
EM- 2003 | 100m og 200m t-35 | Assen | 1. + 1. | Ísl. og norðurl. met |
HM- 2002 | 100m og 200m t-35 Kúluvarp f-35 | Lille | 2. + 2. 4. | Ísl. og norðurl. met |
Annað | 100m og 200m t-35 | Opna breska | 1.+ 1. | Sigur 2003, 04, 05 og 06 |
Staða á afrekaskrá:
Afrekaskrá | 2005 100 m hlaup | 2006 200 m hlaup |
Evrópuskrá | 1 | 1 |
Heimsskrá | 3 | 1 |