Hellissandur

Leturstærð

Leit

Gagnlegir tenglar

Tilkynningar

Að flakka um vefinn:

17.02.2008

Vefurinn er þannig byggður upp að á vinstri spássíu eru "Yfirflokkar" eins og t.d. flokkurinn "Fróðleikur", þegar smellt er á þann flokk birtast undirflokkar, eins og t.d. "Fólk", þegar smellt er á þann undirflokk opnast tenglar á allt efni sem tilheyrir þeim flokki. Í einhverjum tilvikum eins og t.d. þegar smellt er á "Fróðleikur" og síðan "Úr Mbl-Sandur" þá birtast undirflokkar sem eru úrklippur úr Morgublaðinu frá ákveðnum áratugum. Þegar smellt er á viðkomandi áratug birtast litlar myndir. Hægt er að smella á fyrstu mynd og stækkar hún þá, síðan er hægt að fletta albúminu með því að ýta á liðinn "næsta" undir myndinni. Þetta á við öll mynda og úrklippualbúm sem eru á vefnum. Einnig er hægt að leita að efni á vefnum með því að slá inn leitarorð í leitarhólfið á vinstri spássíunni og smella síðan á hnappinn "leita". Gefðu þér góðan tíma til að fikra þig eftir krókaleiðum vefjarins, þú gætir rekist á ýmsan fróðleik um okkar gamla hrepp og fólkið sem þar bjó.

sjá nánar

Prenta

Eðvarð Ingólfsson.

Séra Eðvarð Ingólfsson

Eðvarð Ingólfsson er fæddur 25. apríl 1960 í Reykjavík en ólst upp á Hellissandi. Hann átti heima í húsinu Nýborg (Hellisbraut 16) á Hellissandi til tvítugs. Þá fluttist hann með fjölskyldu sinni til Reykjavíkur.

Foreldrar hans voru Guðný Jónína Þórarinsdóttir, húsmóðir, d. 18. 10. 1999 og Ingólfur Eðvarðsson, sjómaður, d. 7. 11 1967.

Systkini Eðvarðs eru: Sigurjóna (hálfsystir sammæðra), Kristín, Guðrún, Jónína, Inga og Guðný Úlla.

Nám:
Stúdent frá M.E. 1981. Cand. theol frá Háskóla Íslands 1995.

Störf:
Stundaði ritstörf jafnhliða námi og öðrum störfum frá 1980. Dagskrárgerðarmaður í hlutastarfi hjá Ríkisútvarpinu, rás 1 og rás 2, 1981-86. Blaðamaður hjá barnablaðinu Æskunni 1982-84 og ritstjóri frá 1985-90. Ritdómari á Morgunblaðinu 1990-94. Ritstjóri Regins, tímarits templara, 1991-99. Leiðbeinandi í Grunnskólanum Lundi, Öxarfirði, veturinn 1996-97. Skipaður sóknarprestur í Skinnastaðarprestakalli Í Norður-Þingeyjarsýslu frá vígsludegi, 25. febrúar 1996. Skipaður sóknarprestur í Garðaprestakalli á Akranesi frá 1. desember 1997.

Félags- og trúnaðarstörf:

Gaf út 15 ára Fréttablaðið Sand ásamt Michael Sigþórssyni. Formaður Ungmennafélagsins Reynis á Hellissandi, 1977-1978, gjaldkeri þar á undan. Framkvæmdastjóri Héraðssambands Snæfellsness- og Hnappadalssýslu 1980. Í stjórn Skálholtsútgáfunnar 1986-91. Í stjórn barnablaðsins Æskunnar 1990-1996.

Viðurkenning:
Verðlaun Skólamálaráðs Reykjavíkur fyrir bestu frumsömdu barna- og unglingabókina 1988.

Fjölskylduhagir:
Kvæntist 21. september 1985 Bryndísi Sigurjónsdóttur, f. 1963, grunnskólakennara. Börn þeirra: Elísa, f. 31. maí 1986. Ingólfur, f. 5. ágúst 1989. Sigurjón, f. 15. maí 1996.
Barna- og unglingabækur:
Gegnum bernskumúrinn, Rvík 1980. (Endurútg. 1991).
Hnefaréttur, Rvík 1981.
Birgir og Ásdís, Rvík 1982. (Endurútg. 1994).
Fimmtán ára á föstu, Rvík 1984.
Sextán ára í sambúð, Rvk 1985.
Ástarbréf til Ara, Rvík 1986.
Pottþéttur vinur, Rvík 1987.
Meiriháttar stefnumót, Rvík 1988.
Haltu mér - slepptu mér, Rvík 1990.

Ævisögur og endurminningar:
Við klettótta strönd, Mannlífsþættir undan Jökli, Rvík 1983.
Reynir Pétur og Íslandsgangan, Rvík 1985.
Baráttusaga athafnamanns. Ævisaga Skúla Pálssonar á Laxalóni, Rvík 1988.
Árni í Hólminum, engum líkur! Ævisaga Árna Helgasonar, Rvík 1989.
Lífssaga Ragga Bjarna, söngvara og spaugara, Rvík 1992.

Heimild. Rithöfundasamband Íslands