Hellissandur

Leturstærð

Leit

Gagnlegir tenglar

Tilkynningar

Að flakka um vefinn:

17.02.2008

Vefurinn er þannig byggður upp að á vinstri spássíu eru "Yfirflokkar" eins og t.d. flokkurinn "Fróðleikur", þegar smellt er á þann flokk birtast undirflokkar, eins og t.d. "Fólk", þegar smellt er á þann undirflokk opnast tenglar á allt efni sem tilheyrir þeim flokki. Í einhverjum tilvikum eins og t.d. þegar smellt er á "Fróðleikur" og síðan "Úr Mbl-Sandur" þá birtast undirflokkar sem eru úrklippur úr Morgublaðinu frá ákveðnum áratugum. Þegar smellt er á viðkomandi áratug birtast litlar myndir. Hægt er að smella á fyrstu mynd og stækkar hún þá, síðan er hægt að fletta albúminu með því að ýta á liðinn "næsta" undir myndinni. Þetta á við öll mynda og úrklippualbúm sem eru á vefnum. Einnig er hægt að leita að efni á vefnum með því að slá inn leitarorð í leitarhólfið á vinstri spássíunni og smella síðan á hnappinn "leita". Gefðu þér góðan tíma til að fikra þig eftir krókaleiðum vefjarins, þú gætir rekist á ýmsan fróðleik um okkar gamla hrepp og fólkið sem þar bjó.

sjá nánar

Prenta

25. apríl 2001 - Guðbjartur SH 45 strandar

Metaflabáturinn Guðbjartur SH strandar við Brimnes. Um miðjan dag í gær sigldi trillubáturinn Guðbjartur SH 45 upp í Brimnesið sem er rétt vestan við Hellissand.

Ég var í koju og vissi ekki fyrr en báturinn tók harkalega niðri en við vorum á landleið úr línuróðri,sagði Vífill Marinósson, annar skipverjanna á Guðbjarti.

Það voru margir bátar í kringum okkur og einn þeirra, Kristín SH 377, tók okkur í tog svo að við losnuðum af strandstaðnum. Við fórum síðan báðir yfir í hann, sagði Vífill.

Þegar komið var á móts við Rif hvolfdi bátnum og hann fylltist af sjó. Þá var björgunarbáturinn Björg, sem er ávallt til taks í Rifshöfn, kominn á vettvang. Dró Björg bátinn til hafnar en þá var kjölurinn aðeins upp úr sjónum.

Guðbjartur SH er mjög mikið skemmdur og var hífður upp til skoðunar. Báturinn hefur stundað línuveiðar í vetur.
Hafa þeir félagar Eggert Bjarnason skipstjóri og Vífill Marinósson fiskað með afbrigðum vel og komið með hvern metróðurinn eftir annan. Hvorugum þeirra varð meint af þessu slysi.